政壇：銀箔生肖郵品閃賀羊年
二○一五年係歲次乙未羊年，香港郵政將喺一月二十四日發售一套以「歲次乙未（羊年）」為題嘅羊年特別郵票同相關集郵品，呢套郵票係賀歲生肖郵票第四輯第四套，一套四款，通過以羊為題材嘅工藝品，帶出吉羊賀歲嘅主題，同時又會發行賀歲絲綢郵票小型張，以誌春節喜慶。所有集郵局當日將會延長營業時間至下午五時，郵政總局同尖沙咀郵政局仲會開到下午六時。
「銀箔燙壓生肖郵票──龍、蛇、馬、羊」各款郵票造型生動，各具特色。
「歲次乙未（羊年）」郵票通過以羊為題材嘅工藝品，帶出吉羊賀歲嘅主題。
另外，全線郵政局今日起發售「歲次乙未（羊年）」嘅正式首日封、「十二生肖金銀郵票小型張──駿馬吉羊」同「銀箔燙壓生肖郵票──龍、蛇、馬、羊」嘅正式紀念封，每個售價一元二角。各集郵局將發售「歲次乙未（羊年）」嘅正式首日封（珍藏版）、「十二生肖金銀郵票小型張──駿馬吉羊」同「銀箔燙壓生肖郵票──龍、蛇、馬、羊」嘅正式紀念封（珍藏版），每個售價八元。
上述郵品會喺郵政總局、尖沙咀郵政局、荃灣郵政局、沙田中央郵政局同屯門中央郵政局展出。
