政壇：袁彌明出醜嗌雙學選超議

白鴿黨嘅立法會超級區議會議員「AV仁」何俊仁，尋日突然宣布會喺否決政改方案之後辭職，引發變相公投。其中喺今屆選舉狙擊白鴿黨嘅人民力量主席Erica袁彌明，唔知係咪急住批評，即刻喺社交網站留言，話補選應該嗌學聯或學民思潮成員參選，先可以吸取最多市民支持，而唔係一個黨內交棒同宣傳策略。不過，心水清嘅人都知，要參選「超級區議會」，一定要係民選區議員，依家「雙學」根本冇人係區議員，自知失言嘅Erica之後就補鑊，話咁樣寧願五區公投喎。