店內大部分極品沉香都被賊人掠走,剩下「較平價,又大件」的沉香擺設可幸免於難,華伯指一指飾櫃內一件沉香擺設,「依家都係搵啲唔算好貴嘅沉香擺住先。」華伯因應要求,拿出價值八萬元的沉香拍照,怎料「咔」的一聲,「八萬元」應聲倒地,崩了一角,震怯全場。「冇事冇事,崩咗一塊都賣得嘅。」華伯氣定神閒,拾起沉香,繼續拍照。

「做嗰行,厭嗰行,我屋企唔會收藏,我望住佢哋,咪又係木頭。」華伯自十幾歲就開始賣香,見證香木業的變遷。香港開埠時,是當年最大的香木進出口港,亦因香木,相傳「香」港亦因此而命名。

香港不時都有內地人斬伐土沉香樹,「嗰啲樹唔係好珍貴,不過內地啲土沉香都斬到無晒,就走嚟香港斬。」華伯稱,土沉香藉劈傷土沉香,引發樹脂溢出;至於正宗沉香,「因種得夠耐,本身油分夠多,放進水中會沉下。」

第一手消息請下載on.cc東網iPhone/iPad/Android/Windows Phone Apps