喺立法會一樓會議廳外一向擺放咗個膠製咪兜，方便議員同出席會議嘅官員接受傳媒「扑咪」。不過，由於個咪兜用咗好耐，睇落有啲殘舊，秘書處於是特別訂製一個木製嘅新咪兜，新咪兜望落好硬淨，外形仲同大樓木製建築好襯添！

新咪兜望落好硬淨，外形仲同大樓木製建築好襯。

原來新咪兜仲附設自動升降功能，可以用遙控控制咪兜嘅高低，唔使下下用人手調校高度，可調校嘅高度由漁農界「高佬賢」何俊賢到白鴿黨「AV仁」何俊仁都無問題。記得「AV仁」舊年接受傳媒訪問時因為想調低個咪兜，結果整冧咪兜壓親攝影師個頭，相信今後唔會有呢啲狼狽場面嘞！咁講法，個新咪兜係咪要「AV仁」夾番錢呢？

第一手消息請下載on.cc東網iPhone/iPad/Android/Windows Phone Apps