SUN焦點：宜貨比三家 訂心理價位
俄羅斯代購頓成熱潮，若市民貪匯價低盲目掃貨，隨時「偷雞唔到蝕把米」，中文大學會計學院高級講師李兆波就提出三招教路。首先，市民應光顧有信譽的代購中介，減低受騙機會，亦要貨比三家，「如果係買國際品牌產品，應該上網睇吓唔同地區價格，究竟喺當地買係咪真係最抵，亦都應該到香港相關品牌嘅專門店，睇吓實物，以防買到返嚟先發覺產品根本唔啱自己用。」
李兆波
盧布匯價大跌，大批當地居民到超市及電器舖搶購貨品。（資料圖片）
李兆波提醒市民要留意盧布波幅，「盧布價格波幅可以好大，唔好話爭一日，隔幾個鐘都可能已經爭幾個百分點。」李又指，由於盧布匯價上落不定，市民難以「撈底」，期望於匯率最低時「出手」，故應事前訂定「心理價位」，到合適價便出手，「若是透過中介人購物，仲要事前同對方傾好佣金，同埋究竟跟邊個匯率畀錢，以防事後拗數。」
