城中鏡：戴妮廷居滬 創業兼行善
香港好多人都外出搵食，靚女攝影師戴妮廷（Eydie）自去年七月開始移居上海，日前難得返港，講吓佢喺上海嘅大計，佢嚟緊似乎會更忙。
戴轉往上海發展，打算創業設計及銷售首飾。
戴妮廷話自己喺香港已經冇樓，如果返嚟嘅話，要住朋友屋企或者酒店。
Eydie話，去上海係想轉換吓環境，若香港有工作都會返嚟，不過，到時佢就可能要搵地方住，佢話：「我喺呢度已經冇樓，要住朋友屋企或者酒店。」原來佢喺上海及荷蘭均擁有物業，今次去上海，佢都有個創業大計：「我想設計首飾，個品牌名叫Eydiebaby，將我嘅設計放喺唔同地方嘅舖頭寄賣，例如香港、上海同荷蘭，而收入嘅20%會捐畀兒童慈善基金。」佢仲話，近年喺美國修讀靈修課程，希望擁有慈悲心，並以自己嘅能力為其他人做多點事。
