政壇：陳兆焯當年今日唔同樣
歲月流逝，令好多人都喺不知不覺中改變。一講起基督教正生書院校長陳兆焯，好多人即刻諗起一頭白髮、滿臉滄桑及羊咩鬚嘅形象。不過，當年嘅佢原來同依家原來有好大差別。
陳兆焯八十年代一副書生相。（互聯網圖片）
今日就多咗滄桑感。（互聯網圖片）
尋日我哋就喺社交網站發現一張佢嘅舊照，呢張係陳兆焯二十幾年前喺匯基書院做教師時嘅校刊相片，當時係八十年代，佢嘅樣貌青澀，頭髮濃密而且中間分界，又戴副當年時興嘅大框眼鏡，望落有啲似當年溫拿樂隊成員陳友，同依家黝黑皮膚嘅中年漢形象完全唔同。
或者，佢喺正生書院好多時要做戶外工作，日曬雨淋下，白面書生都變黑臉大漢喇，只可以話，今昔對比，佢嘅形象好明顯就係歲月洗禮嘅成果。
