西港島線通車後，西環一帶乜都升，樓價升、舖租升，連商舖級數都升，唔少住喺西區嘅人都成為贏家，其中一個受惠者，就係政制及內地事務局政助陳岳鵬。

陳岳鵬讀番書回港後，曾做過區議員，活動地點以港島區為主，原來早在佢加入政府前，已經喺西環置業，依家唔夠十年，但撞正呢一輪樓市大升，佢嘅物業保守估計升值唔少，更令佢心喜嘅係，喜愛西餐嘅佢，好鍾意喺區內搵食，聽聞依家西區有唔少酒店計劃正待發展，唔少優質西餐廳更已搶先進駐，連搵食都方便夾就腳，難怪陳岳鵬講到明無意換樓，搭港鐵可以返工，行落樓又有高級西餐食，咁好嘅環境，邊個捨得搬呢？

第一手消息請下載on.cc東網iPhone/iPad/Android/Windows Phone Apps