政壇：陳克勤試揸百萬元電動車

立法會環境事務委員會主席陳克勤自去年開始，多次試駕電動車，以了解其使用的實際情況，最近佢應美國一間電動車公司邀請，試駕最新款嘅電動跑車，車價高逾一百萬元，克勤仔有呢啲機會認真着數。據佢所知，該公司至少有兩款電動車，分別價值七十萬元及一百萬元，其中後者屬於頂級電動車，就係今次試駕嘅電動跑車款式。

陳克勤（右二）試駕百萬元美國電動跑車，大讚架車好力水。（受訪者提供）

克勤仔形容，呢款電動跑車同一般汽車冇乜太大分別，基本操作性能良好、好力水又跑得，充電後可行走四百至五百公里。當問及會否有意購入呢款電動跑車，克勤仔稱價錢太貴，又話好多想購買電動車嘅市民，因為喺充電設施方面遇到唔少困難而退卻，佢計劃於下月初再向環境局提交計劃書，睇吓如何進一步令電動車喺香港普及化。