SUN搞作：少膽虫手記：廣東人與雞

「廣東人做雞有特別多嘅方法，所以……」淫賤黎磨拳擦掌，嘴角上翹，似有所圖。少膽虫下意識夾緊雙腿，「腦細，我同雞大纜都扯唔埋。」話訖，淫賤黎大發脾氣，「我想食內地雞，搵你幫我叫隻雞，虫你都推三推四？」

又係禽流惹的禍，「腦細，咁嘴刁？」少膽虫問。淫賤黎極為不屑，「唔得咩？」眼見淫賤黎不滿，少膽虫即時擦鞋補鑊，「刁！腦細你絕對刁得起！不過雞食虫，搵少膽虫似乎唔係咁適合。」

「哦，原來係咁，你敬我一尺，我敬番你一丈，少膽虫，我提早幫你開年。」少膽虫一聽，喜問︰「提早派利是？」跟住又係一陣「啪啪」聲，相信大家已經明白往後之事，所以你叫少膽虫如何可以不許下宏願呢？