燒房處處長軒軒行街,畀人指指點點,個個都對佢投以厭惡眼神,軒軒上前查問究竟,結果畀人鬧到狗血淋頭。
軒軒︰究竟發生咗乜嘢事?
市民︰嘩,貪曾呀!
軒軒︰喺邊度?點解我見唔到?
市民︰你哋學佢起魚池養錦鯉,你直情係佢嘅化身!
軒軒︰養吓魚,紓緩壓力啫。
市民︰你有壓力,我有壓力,你哋魚池漏水擾民呀!
軒軒︰……換個角度睇,咪當係幫大家洗地囉。
(市民拎水兜頭淋軒軒。)
市民︰換個角度睇,我唔係用水淋你,係幫你沖涼咋!