政壇：國企大刁帶挈美銀美林封王
喺強國愈嚟愈強嘅情況下，中資外資機構都把握每一個商機，隨時撞啱一單大刁，就一躍而起，好似美銀美林咁，憑住中國南車同中國北車嘅合併交易，就喺二○一四年亞洲交易撮合排行榜，由第三名「嘭」一聲升上第一位！
上星期，中國南車宣布同中國北車合併，並成立中國中車，呢單交易價值「大拿拿」達到二百六十億美元，除咗令兩隻股份嘅股價飆升之外，仲即時帶挈咗美銀美林添，皆因美銀美林同中金喺單刁度提供諮詢服務，兩者隨即瓜分了「大大份」的撮合金額，就係咁，美林就一舉超越咗原本第一、二位嘅花旗同高盛，登上二○一四年亞洲交易撮合排行榜首位。
