話說學民思潮前日先召開記者會，講未來發展大計，又發公開信畀四名政界人士，一心想自抬身價之際，點知尋日劉貳龍發聲明，話要喺未來尋找新方向同嘗試，即日辭任發言人。記得學民另一前發言人周庭，十月初佔領行動期間，都係發聲明話自己無法再承受沉重壓力，決定辭任發言人一職。點知唔夠三個月，呢件事又再次發生，睇嚟學民要解決內憂先喎！

劉貳龍

劉貳龍喺聲明中話，依家希望先作休息，再諗吓未來點定位。佢回覆我哋查詢時話，將來或會從事文字工作。佢話唔係因為學民內部問題或學業壓力而走，同周庭請辭亦冇關係，會維持學民成員身份。學民現時對外聯絡，只剩低召集人黃之鋒同發言人黎汶洛，聽聞黎汶洛嚟緊都決定退下火線。咁搞法，唔知學民會唔會遲早解散呢？

第一手消息請下載on.cc東網iPhone/iPad/Android/Windows Phone Apps