城中鏡：雷正殷貴族舞會結知音
已故利孝和女兒Marie利蘊珍同九巴後人雷禮權嘅女兒雷正殷，獲邀請出席擁有二百多年歷史嘅巴黎貴族成年舞會Le Bal des Debutantes，雷正殷穿上爸媽為佢準備嘅禮服，係由黎巴嫩設計師Geroges Chakra設計嘅高級訂造服，既優雅又高貴。雷正殷嘅舞伴係來自法國嘅貴族，兩人對音樂均十分有興趣，分外投契，舞會完結後，大家都依然保持聯絡。
雷正殷（右）嘅舞伴係法國貴族，相當合拍。
雷禮權（左）同利蘊珍陪埋囡囡一同出席舞會。
Marie同老公亦有陪囡囡一齊參加呢個盛會。被問到囡囡參加完這舞會嘅感受時，Marie話：「佢好開心，識咗好多人，而我同老公都識咗好多參加者嘅父母，佢哋嚟自世界各地，大家互相交流，係好好嘅體驗。舞會前有人教佢哋儀態，有專業嘅化妝、髮型師，事先有綵排，好隆重。」
