大搜查：須識飲酒兼有閒錢 跟風炒賣免問

Whisky Library的營運經理Sunny則認為，有「閒錢」先好買，「買賣酒，唔係你想賣就有人買，譬如支酒升到十萬蚊，係咪你攞出來就真係有人買？」

停產舊酒更矜貴

想揀值得投資的威士忌，除了留意年份，亦可從限量版入手。「罕有同擺得耐，基本上都不敗」，Sunny指，具投資價值的通常是「上咗少少年紀」的酒，譬如是二十五年以上的，因為舊酒「飲一支少一支」，尤其已停產的舊酒愈見矜貴。

至於日本威士忌近期已升了一輪，應否乘勝追擊？Julian坦言「（二○一四年）年頭若你咁問，我覺得絕對投資得過，但依家已經升得好急。」買家須衡量泡沫是否出現。

威士忌「潛力股」

威士忌專家Sunny揀選了以下四支具升值潛力的威士忌，它們「年紀都唔細」，其中以Laphroaig 40最罕有，現時市價逾八萬元，兩年升值近60%。而Port Ellen酒廠已經停產，相信其出品價值愈升愈有。