歡度佳節，有人鍾意熱熱鬧鬧，亦有人喜歡平平淡淡。理文化工董事總經理Norman李文恩就選擇後者，啱啱過去嘅聖誕節當日，佢同歲半大嘅囡囡Carissa、太太Lorinda郭靜怡及媽咪衛少琦喺喧鬧嘅置地廣場內行吓街、影吓相，甜蜜溫馨咁享受親子天倫之樂。

李文恩（左二）與囡囡、太太（右一）同媽咪（左一），喺聖誕節享受天倫樂。

Norman話聖誕無打算舉家外遊，原因係太太Lorinda已有七個月身孕，所以與其旅行舟車勞頓，倒不如留喺香港仲好。至於胎兒係仔定女，Norman大賣關子，話嚟緊嘅三月就知道嘞！啱啱過去嘅聖誕節天氣欠佳，低溫之餘又天雨綿綿，佢一家人惟有到商場食西餐當應節，頗為靜局。不過，當佢榮升第二任爸爸之後，相信今年底嘅聖誕節就會熱鬧好多喇！

第一手消息請下載on.cc東網iPhone/iPad/Android/Windows Phone Apps