早前講過有兩名建仔嘅北區區議員嘅聖誕宣傳橫額被發現串錯字,近日又發現白鴿黨北區區議員羅世恩喺區內嘅橫額同單張同樣寫錯字,包括將工展會寫做「公展會」、勘察寫做「堪察」。我哋曾經致電羅世恩議員辦事處查詢,雖然其助理直認係自己心急寫錯,但就質疑人哋因為幾個錯別字唱衰佢哋喎。

白鴿黨橫額單張寫錯字(綠圈示),羅世恩急忙解畫。(互聯網圖片)

(互聯網圖片)

之後我哋聯絡到羅世恩,佢就急急補鑊,話已得知橫額寫錯字,已經即時更正。佢又話有時工作繁忙,難免有漏網之魚,為咗減低橫額出現錯字同語法問題,今後會提醒同事校對清楚先好將橫額擺出街。

第一手消息請下載on.cc東網iPhone/iPad/Android/Windows Phone Apps