喺佔領行動結束後，難得有幾日聖誕節假期，香港呢幾日氣溫下降有雨，凍冰冰，可能因為咁，立法會議員葉劉淑儀早就透露會同愛女過一個熱辣辣嘅聖誕節。去邊？原來佢哋飛咗去泰國曼谷。

葉劉淑儀專誠到泰國嘅烹飪學校學煮冬陰公。（互聯網圖片）

不過，葉劉似乎嫌泰國未夠熱，仲專誠去一間好出名嘅烹飪學校上速成班，學煮泰式料理，幾小時內極速學識煲冬陰公、泰式炒河同咖喱雞三款泰菜，有得玩又有得食，一舉兩得。

葉劉自嘲係「無飯煮婦」，估唔到經過專人過招後就成功下廚，第日可以多啲同愛女喺屋企玩煮飯仔嘞！有網民就留言話，葉劉着起圍裙個樣特別「慈母」，仲話泰國唔少總理競選前，都鍾意去煮餸以示親民，難道今次葉劉煮餸都有呢個意思？

第一手消息請下載on.cc東網iPhone/iPad/Android/Windows Phone Apps