SUN搞作：SUN官場現形記：係時候了斷
雙貪聖誕佳節去濕平，點知喺買嘢嗰陣，有位市民突然上前喝罵佢哋，大大聲話要同雙貪計清計楚……
市民：係時候要同你哋計清楚喇！
雙貪：計咩？同你一啲關係都冇……
市民：咩冇，唔止我，你同成個香港嘅人都有關係。
雙貪：冇晒關係啦，仲提嚟做咩？
市民：唉，數嚟數去，你哋啲「着數」多到數唔晒……
雙貪：有着數咁正？係茅台定鮑魚先？速速磅咪兩頭望。
市民：死性不改，仲諗住貪？我係要數番晒你哋貪過啲咩，等老廉同你哋有個了斷呀！
雙貪：講呢啲？！走開啦！我哋對話終止就真！
