聖誕節期間，好多公司都會舉行派對慶祝吓，領匯日前都有個二百幾人嘅派對，仲有高層忽然殺到，佢哋客串聖誕老人同薑餅人，神秘嘉賓嘅光臨，令派對氣氛更加熱烈，佢哋發放嘅願望成真大禮更受歡迎。

聖誕老人及薑餅人到場，令參加派對嘅員工更開心。

當日啲員工喺派對上食緊嘢時，突然走咗個聖誕老人同埋薑餅人入嚟派發禮物，聖誕老人係公司項目及資產發展總監梁玄狄扮嘅，個外形趣趣哋、仲有肚腩仔嘅薑餅人，就係CEO王國龍。高層來到，梗係唔止派禮物咁簡單啦。

月初佢哋已有內部電郵叫大家講低啲聖誕願望，高層就公布埋「願望成真」嘅幸運兒，佢哋分別得到額外多一日年假，下年一月份月薪加幅5%，以及「企業員工購股計劃」獲得雙倍僱主供款等加埋抽中獎嘅，共有30位員工獲願望成真，呢個聖誕禮物係咪好有心思呢？

第一手消息請下載on.cc東網iPhone/iPad/Android/Windows Phone Apps