SUN搞作：SUN官場現形記：香港周街豪宅
聖誕普天同慶，運房局局長炳炳扮聖誕老人去探基層童。期間，基層童向炳炳許下咗一個願望……
基層童︰住喺呢間劏房，真係好辛苦。
炳炳︰呢一個係考驗，你捱得過就會飛黃騰達喇。
基層童︰依家就嚟連溫書嘅地方都無，仲講飛黃騰達？
炳炳︰咁……
基層童︰我真係好想試吓住一晚豪宅嘅滋味，希望聖誕老人你可以幫我實現願望。
炳炳︰好啦，你合埋眼先。
（炳炳引領基層童前行，叫佢睜開眼，基層童吃一驚。）
基層童︰吓，呢度咪又係劏房？
炳炳︰嗱，呢間劏房呎租貴過豪宅，喺度住一晚，你就可以感受到豪宅嘅感覺！
