政壇：發展局錯字賀文寸建仔？
聖誕佳節，好多人都會發個電子賀卡，或者喺社交網站互相祝賀一番。發展局都喺社交網站facebook專頁出貼文，祝賀大家早啲收爐，呢個貼文罕有突破平時雙位數嘅「讚好」，短短兩個幾鐘已經有近千個「like」兼有逾百個回應。點解忽然咁受歡迎？原來係蝦碌帶挈。
堂堂政策局嘅聖誕祝賀貼文都錯到離譜，難怪網民爭相踩多腳。（互聯網圖片）
事關網民好眼利，發現局方將Merry Chirstmas寫錯做「Marry Chrismax」，仲配合聖誕老人，套入網民最愛改圖之一嘅動畫高達角色之中。有網民質疑局方點解要學民建聯兩個北區區議員嘅橫額咁寫錯字，莫非想「悔」辱民建聯？亦有網民大讚專頁嘅Admin是「傳說中的最強抽水王」，想抽民建聯水；唔知呢單嘢有冇手尾跟呢？
