「又到聖誕，又到聖誕……淫賤黎is coming to town！」淫賤黎今日好似食咗草龍咁，好唱口到不得了，唉，正所謂趷起條尾就知佢諗乜，好似聖誕節呢啲掠水節日，淫賤黎一定會搞花臣敲詐員工禮物，壹全霉上上下下咁多年都係敢怒不敢言，惟有當破財擋災啦。

呢個聖誕，我都準備咗份禮物，趁住懶洋洋嘅下午「咯咯」兩聲入房送畀淫賤黎。「阿虫，唔好咁破費，留番份禮物送畀其他人，今年我唔收禮喇。」嘩！有禮物都唔收，唔通腦細鬼上身？淫賤黎見我O晒嘴就話：「阿虫，今年我已經收咗份大大禮，再收我怕會受唔起，折福折壽。」我抱住滿腹疑惑退出房間，諗咗半天先明白，又係嘅，淫賤黎搞風搞雨都可以無條件釋放，呢個聖誕仲有乜好求？本虫除咗嘆句姑息養奸，都冇乜好講。

第一手消息請下載on.cc東網iPhone/iPad/Android/Windows Phone Apps