咁蹺尋日中午時分喺金鐘附近遇到商務及經濟發展局副局長Godfrey梁敬國，聖誕新年假期氣氛濃厚，梗要趁機問佢假期去邊玩？佢話原本諗住農曆新年報番個日本團，全家總動員去北海道玩，皆因佢同家人已經成年冇出埠旅遊。點知問過啲旅行社，間間都已經滿晒。

梁敬國報唔成團，決定留港消費。

咁近近哋去新加坡玩一樣咁開心啫，於是就打聽吓去星洲玩嘅詳情。雖然正值旺季價錢貴晒，但間中豪一次就冇所謂喇，但回程航班竟然係朝早八點，變相冇咗一日，否則就要每人再額外加兩千幾元改遲幾個鐘飛返，即係去玩四日每人合共盛惠近萬蚊，Godfrey自言聽完眼都凸埋，最後都係決定留港消費冇咁嬲。

第一手消息請下載on.cc東網iPhone/iPad/Android/Windows Phone Apps