遊樂場蚊患 康文署懶理
【記者呂諾君、黃芷君】踏入冬天，石硤尾邨遊樂場仍爆蚊患，康文署竟指「冇發現」！石硤尾中央遊樂場毗鄰多個屋邨，不少邨民會帶同子女到場遊玩，未料卻慘成蚊子大餐，手腳均被叮至紅腫。有居民指每次被叮後均痕癢難當、徹夜難眠，加上早前爆發多宗本地登革熱感染個案，擔心隨時中招。當區區議員批評部門滅蚊不力，要求部門透過聯合行動預防蚊患，紓解居民窘境。
中央遊樂場附近有多個屋邨，但蚊患令居民卻步。
小朋友在遊樂場逗留一會，即成蚊子大餐，面上有三處被叮至紅腫。
黃小姐經常與小朋友到公園遊玩，每遭蚊叮後便會紅腫痕癢，難以入睡。
遊樂場內雖有房署設置之捕蚊器，惟被指毫無用處。
康文署指每天都清理場地，惟記者視察當日發現滑梯有積水。
場內只有數張防蚊膠紙，布滿蚊屍，康文署卻稱未發現蚊患。
「我哋住呢頭，成日會帶小朋友落嚟玩，但呢邊真係好多蚊，上一次去先咬完三粒，誇張嗰陣你會見到滑梯同埋其他設施都黏滿『蚊孳』，好得人驚！」黃小姐指石硤尾中央遊樂場長期有蚊患，場內蚊貼長期滿布密密麻麻的蚊子，即使入冬後問題依然。
居民憂登革熱臨門
黃小姐指蚊患長期持續疑與場內防蚊裝置未能發揮功效有關，「我見到房署喺入面放咗部捕蚊機，但就一啲用都冇，擺咗咁耐，我每次嚟都一定畀蚊咬。我同小朋友畀蚊咬完都會痕到瞓唔着。」黃小姐指近期本港發現多宗登革熱感染個案，擔心防患不足，隨時爆發更多個案，希望負責部門能加強滅蚊。
房屋署發言人指，石硤尾中央遊樂場並非由房署管轄，惟因該遊樂場毗鄰石硤尾邨，而放置捕蚊器的位置屬邨內範圍，並由房署人員定期檢查。發言人稱該捕蚊器以石油氣運作，接獲轉介後已特別派員檢查，證實捕蚊器運作正常。
康樂及文化事務署發言人則強調，場地職員每天均會在上址執行預防蚊患工作，包括清理垃圾、廢紙、樹葉等，而職員每周也會進行滅蚊行動，如噴灑蚊油和蚊沙，並在有需要時更換防蚊貼。發言人堅稱派員巡查時未發現蚊患。
當區區議員秦寶山卻稱，常有居民投訴該遊樂場有蚊患，曾於八月到公園巡察，在多處地方亦發現有積水，「避雨亭個頂上面就有積水同垃圾，但如話冬天都有咁多蚊，有關部門真係要加強滅蚊。」
秦又指需兩部門合作才可減低蚊患，「康文署可以考慮加番多啲（蚊貼）。而公園側邊個草坡係房署管嘅，房署可以喺嗰邊看手，好似噴蚊油咁。」秦要求相關部門早日消除居民與公園使用者的困擾。
熱線3600 9988
電郵 socserv@on.cc
傳真3600 9900
WhatsApp/SMS 6500 6500
來函請寄：香港大埔工業邨大昌街２３號東方報業中心東方報業集團投訴組收
個人資料絕對保密
匿名投訴恕不處理
