2014年係多事之秋，為喚起社會更多正能量，社交圈一眾名人與僧侶齊發起建佛塔壯舉，計劃在佛陀出生地尼泊爾藍毗尼興建一座大成就塔。籌建晚宴早前喺尖沙咀一間酒店舉行，各界善長茹素洗滌心靈，踴躍捐助，一晚已籌得五百萬港元。另一邊廂，沙田馬場亦舉行一個瑞士鐘錶品牌盃賽，係連續第三年舉行國際一級賽事，吸引全球頂尖馬匹來港競逐錦標，愛馬人士齊見證草地王者誕生。

籌建佛塔慈善夜
祝願
來自尼泊爾嘅寧波車夏鉑坦真仁波切（前）祝願世界和平。

單拖
利希慎家族後人利承武單拖赴宴。

度假
千億新抱徐子淇嘅爸爸徐傳順期待聖誕節帶孫兒去美國度假，共敍天倫。

啱傾
保險公司區域執行總監湯寶寶（中）愛與友人傾佛偈，包括身旁嘅詩琳控股集團行政總裁陳裕丰同太太謝欣玲。

出力
篤信佛學多年嘅恒基地產營業部副總經理鄧鳳賢（左）擔任晚宴籌委會主席，拍住眼科醫生謝偉業為籌建佛塔出力。

浪琴表盃賽
夫唱婦隨
太子珠寶鐘錶主席鄧鉅明小注考眼光，太太鄧宣宏雁在旁落力打氣。

見證盛事
愛沙尼亞駐港名譽領事林建康與太太黃寧艷一同入場見證馬圈盛事。

友儕共享
玩具大王蔡志明嘅兒子蔡加讚（左）與浪琴表香港區副總裁歐陽楚英（左二）及友人觀賞緊張刺激嘅盃賽。

第一手消息請下載on.cc東網iPhone/iPad/Android/Windows Phone Apps