淫賤黎辭任瀉長，《爛果》就得番少膽虫一個，大家實以為少膽虫好開心，但其實少膽虫係「從不喜歡孤單一個」，少膽虫好怕空虛、寂寞同凍，「啪啪啪」、「菊花歲月」呢啲往事真係只能回味、只可hehe一笑……為咗緬懷舊主，少膽虫決定幫佢準備臨別講辭，當然就搵班細嘅寫啦！

「今日，我要同大家say goodbye！」淫賤黎準備跟稿讀下一句嘅時候，突然嘴張開，左望右望，「我無稿呀！稿呀！稿呀！」《爛果》向來以老作見稱，估唔到咁大間公司，叫人寫篇文都無，少膽虫只好同淫賤黎講︰「腦細，求其講啲嘢頂住先！」淫賤黎面露尷尬，突然大叫︰「《爛果》係duck嘅！」

成班編輯忍唔全偷笑，「《爛果》原來係屬於隻鴨……」淫賤黎被恥笑，深深不忿，「你班友仔敢笑我？睇嚟你哋都係要再啟蒙，既然《爛果》日日畀人鬧無良，一於就做『無糧』全霉啦！」

第一手消息請下載on.cc東網iPhone/iPad/Android/Windows Phone Apps