是日,同才子舉杯吹水。

我倆熱愛香港,亦愛助人,看到此地一群忠心不二的愛國好漢,忍辱抗爭七十九日,終於取得最後勝利,可飛身撲出嚟擸功,真係替佢哋所付出嘅血汗不值。

同時,更怕香港特區將來無咗呢棚鬥士的支持,難再有效管治下去,我倆遂要一盡市民的應有責任,免費一次,為特區政府出謀獻計吧!免雙方撕裂!

嗱!動亂平息後,呢班勇士嘅工作肯定少咗,甚至失業及被用完棄置,所以,臨別秋波,政府亦應做好做醜搞一個煞科的慰勞宴,舉辦一個盛況空前的「祝捷聯歡晚會」,暨頒發最高榮譽英勇勳銜沙紙一張,表揚偉大鬥士,見者有份,等佢哋光耀門楣,有歸屬感,下次幫拖之餘,更紀錄在案,名留千古。

晚會,當然要有極級娛樂節目大酬賓,所以,製作不能馬虎。先請大旗手哥哥表演四川變臉,對佢嚟講,易過食生菜;BB姐姐?噢!佢要壓軸囉!大跳鋼管舞,包大家噴血而歸!仲有,最後請晒專業移除隊上台表演大破黃遮陣,攞埋尾彩後,嚟一張大合照,咁就「人之常情」嘞!

上述好橋,隨便攞去用,毋須credit畀我!

彭志銘

次文化考古學家,對城中潮語有深入研究,博徵博引,廢官廢人行埋一邊。

歡迎add我facebook一齊(目及)實政府

第一手消息請下載on.cc東網iPhone/iPad/Android/Windows Phone Apps