發展局舉辦「古蹟周遊樂」，向本港居民及旅客推廣香港歷史文化建築，惟因宣傳不足，令市民與遊客皆難以知悉活動，更有導賞團無人問津，李衞於是搵發展局局長波波問吓佢點解搞成咁。

李衞：搞古蹟遊係好，但冇咩人知，點遊呀？

波波：有人知，少啲啫……

李衞：咁咪即係小眾玩意囉！

波波：點會呀！擺成23萬做宣傳，好揼本o架！

李衞：弊在宣傳單張放嚟放去都係博物館嘅地方，咁咪來來去去都係嗰啲人先知！

波波：咩呀，登廣告都有做o架，成效好唔好就另計啦……

李衞：唉，做嘢咁死板，冇諗過點增加遊覽率，咁搞活動法咪盞嘥錢！

波波：啲錢又唔係我嘅！同埋我都要按時交功課，畀個面啦……

李衞：依家就係要落你面鬧醒你呀！

第一手消息請下載on.cc東網iPhone/iPad/Android/Windows Phone Apps