「喺應用資訊科技於日常生活方面,香港落後於好多國家及地區,甚至被部分內地城市超越。」電子教學聯盟秘書長黃麗芳指,不少歐洲國家已廣泛應用先進技術,即使如小國愛沙尼亞,也充分應用電子身份證的功能,讓國民用來報稅、匯款、投票等。「香港就成日驚資料被盜,其實只要做好加密技術就唔會有事。」

「支付寶」平台提供便捷的消費方式。(資料圖片)

黃麗芳直言,本港資訊科技的發展,明顯較鄰近地區落後。

黃稱,本港除智能身份證落後於人,連本應引以為傲的八達通交易系統也發展緩慢,「內地一班朋友食完餐飯,用支付寶畀錢,篤幾個掣佢會幫你計埋分帳;亦會有人用PayPal收租,香港一直原地踏步,好似脫離咗現實咁。」

黃又表示,現時政府委任負責資訊科技政策的官員年紀較大,「好多都成六十歲以上,人哋愛沙尼亞直接向總統報告嘅IT部長,今年先三十幾歲。政府永遠淨係識得委任德高望重嘅人做官,創新科技係唔係交畀年輕人會好啲呢?」

第一手消息請下載on.cc東網iPhone/iPad/Android/Windows Phone Apps