SUN揭秘：訴訟難捱 全賴家人支持
陸宏隆為求證明自己清白，他聘請城中出名的律師打官司，其法律團隊有三人，包括一名律師、一名資深大狀和一名大狀，他估計整場官司的訴訟費達六百萬元，比同類型案件貴，他擬與控方商討取回部分訟費。一開始他的律師說， 案件勝算不高，一旦定罪，會是觸犯刑事，有機會入獄，甚至隨時失去醫生執業資格。 「我律師話，成件事根本唔合理，如果我係一心要太太頂包，要妨礙司法公正，我哋就會開車走咗去，仲點會主動報警？」
審訊期間，陸宏隆夫婦一起出席聆訊。（資料圖片）
雖然如此，他亦慶幸過去的一年，得到家人的信任，「我個女梗係信我哋啦，知我飲咗酒一定係會由太太揸車，呢段時間我哋一家都好難捱，無端端搞單咁嘅嘢，惟有互相支持鼓勵。」他指，在打官司期間，能重新體會到家人的重要，未嘗不是一件好事。
