泛民主派之前宣布杯葛明年初發表嘅施政報告同財政預算案諮詢,不過公文袋尋日竟然走去開記招,發表施政報告意見書,講到明唔會將意見書提交畀特首梁振英,但會將意見書送到政務司司長同財政司司長辦公室,亦會上載至互聯網。

公文袋黨魁梁家傑重申,將會否決按人大框架提出嘅政改方案,而喺立法會層面亦會否決部分爭議性高嘅撥款申請,但會爭取通過同民生相關嘅撥款申請。除咗公文袋外,白鴿黨亦會喺未來數日公布施政報告意見書,泛民呢頭就話要杯葛,又有議會不合作運動,轉個頭又要寫意見書,並開記招對外公布,難怪被人質疑做法認真「小學雞」。

第一手消息請下載on.cc東網iPhone/iPad/Android/Windows Phone Apps