城中鏡：戴凱欣甜點舖開張 好友齊赴澳門捧場
四洲太子女Kennis戴凱欣代理嘅日本高級甜點品牌YOKU MOKU，早前喺澳門開設首間專門店，特別邀請咗一眾好友陳嘉容、吳君祥、姚書軼、羅可旋同夏文汐等出席，佢好感謝班好友山長水遠都去捧場。
戴凱欣（後排中）搞咗個新店開幕晚宴，同班好友一齊玩番晚。
Kennis透露當日除咗店舖開張之外，仲搞咗個晚宴，晚宴仲有Live Band表演添，大家玩得興起，仲即場上台唱歌，Kennis話：「我叫咗吳君祥上台，佢唱《風繼續吹》，識咗佢咁多年，都唔知原來佢唱歌咁得。」難得到澳門，咁有冇入賭場呀？佢就話：「冇，我要準備個活動，冇時間，同埋我唔鍾意賭錢，平時都好少去。」
