SUN搞作：打橫嚟講：全部港人係輸家

吓！一個香港歷來最浩大的「公民抗爭」，換得如斯下場，還不算失敗？

乜話！有賭未為輸？本錢呢？洗晒袋囉喎！嚟緊三十年咪使旨意有真普選囉！

嗱！睇吓輸乜啦！

「主辦組織」，一盤散沙，各顧各，內鬥到盲嘅都睇到！講得唔好聽，呢班主事人欠港人一個交代呀！欠了支持者的血和淚呀！雖然你哋有份流……

當黨團內訌互摳、爭功不和時，香港市民又點呢？居然不前瞻下一代苦難，竟聽信政府偽說，埋怨夜夜風餐露宿街頭的佔領義士，仲話人阻街阻佢哋搭車云云，呢類弱智低等動物，在民調中，超過人口一半喎！當然這類所謂民調，又係收錢的工作！

香港市民輸鑊甘的，不特只北大人自揭爛面，不顧國際公約法理，公然撕毀《中英聯合聲明》，將「一國兩制」丟入屎坑去！

而最傷嘅，還係港人貼身要受的那「三權合作」，即行政、立法、司法，在佢阿爺監督下，全面實行嘞！

香港全面輸到瞓街，仲因有班城管之劣質表現，讓全球看清楚，佢哋點樣依賴黑勢力行事，點樣偏袒黑幫，兼暴力嚴打良善市民，這種撕裂警民關係的惡果，仍不及警方將來如何去面對曾與合作的黑社團挑戰呀！

今劑失敗，不是輸了一回棋，可以玩過下一鋪，從頭再來呀！廣東諺語：「輸咗道氣」呀！

作為愛此地的香港人，清清楚楚莫忘初衷，係香港廢柴政府卑劣，搞到民不聊生咋！

今劑過後，香港政治管治可宣布玩完的時候，我哋仲以為自己唔係輸家嗎？

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府