SUN搞作：SUN官場現形記：邊有人鍾意食
康文署有職員頭耷耷、唉聲嘆氣，署長嫦嫦經過見到，上前問吓發生乜事，點知惹禍上身……
職員：唉，請人食雞……
嫦嫦：有雞食咁開心，開party呀？
職員：開心？大把人唔開心就真……
嫦嫦：食雞都唔開心，點解呀？唔通驚禽流感？
職員：你仲好意思講，一日最衰都係你呀！
嫦嫦：……又關我事？我都冇份食嘅！
職員：你呀，年尾流流大派「無情雞」，炒咗四百幾人，明明展館入場人數有多冇少，你仲炒人，邊個去做啲嘢呀？
嫦嫦：……就係我有做功課先要炒人，無辦法o架，再嘈請你食埋一份吖嗱！
職員：真涼薄，我不禁倒抽一口涼氣……
