細路作人盾影響成長價值觀
「水貨兵團闖關手法多變，利用嬰兒車及小朋友做掩飾，係近日大熱手法。不過，家長利用小朋友作為『擋箭牌』走水貨，會影響小朋友的成長及價值觀。」北區水貨客關注組發言人梁金成擔心，「個細路仔每日都畀媽媽利用去帶水貨過關，久而久之，會覺得『帶貨』、『走私』係無問題唔犯法。其實，呢個觀念係唔啱，媽媽唔應該咁樣做。」
水貨媽媽利用孩子掩護，令人擔心會影響小朋友價值觀。
此外，理工大學機械工程學系工程師盧覺強指出，嬰兒車主要用作接載兒童，若要負荷沉重的貨物，或會引致危險，「質素較差嘅嬰兒車，承受多過四十磅，隨時會有甩轆危機，而推上斜及落斜時，由於嬰兒車太重，恐怕容易失重心跌倒翻車，令坐喺車上嘅BB及途人都會受傷。」
