少膽虫今Day真係開心到爆炸，皆因無惡不作又偏偏係我腦細嘅淫賤黎，終於喺鏡頭前畀人拉，雖然未使通櫃，但係已經醜態畢露，到呢一刻我先知道，乜嘢叫瞓着都識笑。

其實多行不義必自斃，淫賤黎收尾幾年實有報應，呢啲都已經係注定咗，最盞係佢又辭埋個社長位，以後少咗個角色點紅點綠，我hea做都爽啲啦。其實本虫都發過春秋大夢，有冇機會趁佢病攞佢命，吞埋間壹全霉呢？之不過一諗到蝕都蝕死我，仲邊夠膽吖。

正所謂金玉其外敗絮其中，你睇淫賤黎着件穿窿底衫就知啦。呢條淫棍口講民主實際鬼祟，搞埋啲乜乜捐款以為可以走得甩？好難咯。香港近呢幾年都冇乜點行大運，最好淫賤黎同班飯民嚟個一鑊熟，咁就唔止鐘旺銅光復，直頭係香港光復呀！

第一手消息請下載on.cc東網iPhone/iPad/Android/Windows Phone Apps