政壇：元旦遊行隨時搞唔成

兩年前民陣開始舉辦元旦遊行，以表達對政府不滿。有民陣中人話，市民對政改及現狀不滿，已經喺佔領行動中表達咗。依家佔領啱啱結束，如果又搞大遊行，最緊要係確定訴求係乜，如果唔係究竟可唔可以動員市民上街都成問題。但新一輪政改諮詢都未開始，如果又批評警方執法，咁又使乜專登搞多次遊行？所以有人認為索性唔好搞，唔應該求其搵啲訴求，為持續而持續，反正元旦遊行嘅歷史唔長，唔似七一遊行咁傳統，所以唔搞都冇問題。不過講到尾，民陣仲要睇埋近期社會對清場反應，先至作出最後決定。