城中鏡：馮裕祺做大廚 睇得兼煮得

話說尋日去食中法私房菜，西裝骨骨嘅Stephen就話平日好鍾意搵好嘢食，呢排仲跟私房菜大廚上咗幾堂，學整fushion甜品。見到Stephen咁有心思學整甜品，第一時間梗係八卦吓究竟為咗邊位佳人下廚，佢就神神秘秘咁話，都係想聖誕節氹下班朋友仔開心。

點知食飯食到一半，Stephen就偷偷地換咗一身廚師服，仲霸咗open kitchen個廚師位，即席示範法國名菜紅酒煮啤梨嘅變奏版─紅酒煮冬瓜。

一身廚師服嘅Stephen唔單止造型睇得，煮起上嚟真係有板有眼，仲話由於係法國甜品嘅關係，特登擺咗條靚靚嘅小葱伴碟，氹得在座嘅人未食已經甜絲絲。