本報連番踢爆民航處「大花筒」，繼豪花公帑將新總部大樓變「豪華娛樂城」後，又被揭發斥資超過十五億元嘅新空管系統問題多多，至今仲係「有得睇冇得用」，而且啟用時間仲要一拖再拖至二○一六年。處長羅崇文日前出席立法會帳委會聆訊，居然將責任全部卸膊畀下屬，話係下屬唔熟悉建築工程，同部門溝通不足所致，一聽就知佢係大話精，諉過下屬兼厚顏拒絕下台，咁嘅官簡直就係政府嘅負資產，點可以畀佢賴死唔走！
