消費者多年來一直捱貴電，消委會總幹事黃鳳嫺早前公布專家報告，批評環境局把關不力，縱容兩電賺到盡，直指《管制計劃協議》對市民唔公平，仲直接指環境局諮詢文件其中一項向內地買電嘅建議不可行，提出逐步開放本地電力市場十招，紓解電費加幅。消委會跳出以往只針對消費品嘅框架，踢爆政府做事官僚，但如果要政府聽佢哋嘅建議，睇怕要做多啲實際嘅行動，唔好只係紙上談兵。
