筲箕灣街市空置食署多年懶解決
【投訴組報道】食環署轄下街市「連棵葱都冇得賣」，公共設施得物無所用！筲箕灣街市有大量檔位長期空置，部分更因日久失修而鋼筋盡露，街坊不滿食環署未有設法改善問題，令設施平白浪費。有區議員踢爆街市嚴重空置情況已持續多年，曾向食環署提出多項改善建議皆被一一拒絕，令問題解決無期。
街市早已十室九空，二樓全層只有一檔商戶經營。
街市二樓有攤檔出現石屎剝落情況，鋼筋外露。
勞鍱珍指街市空置情況已持續多年，曾向食環署提改善建議卻遭拒絕。
「成個街市好似死城咁，除咗借廁所之外，根本唔會入去！」筲箕灣街坊呂先生表示，位於東大街的筲箕灣街市大部分檔位長期空置，部分更有石屎剝落、露出鋼筋，平日人迹罕至，與區內其他露天市集人來人往的情況大相逕庭，認為食環署有浪費資源之嫌，「話晒都叫政府街市，又有瓦遮頭，居然搞成咁，除咗話食環署管理差之外，我都諗唔到其他原因！」
羅女士曾於街市經營魚檔，坦言因人流少而「蝕足十年」，最終退租收場，「買咗貨返嚟冇人入嚟買，賣剩啲魚諗住醃鹹魚啦，食環署又話違反租約唔畀，咁咪唔做囉！」羅又指街市礙於空置率高而無甚購物選擇，甚至「連棵葱都買唔到」，難以吸引人流，「菜檔又冇、乜都冇，買得一樣又買唔到第二樣，畀我都唔會入嚟買餸啦！」
入內者多屬「借廁所」
食環署發言人承認，截至今年十月，筲箕灣街市八十二個檔位中有四十六個已出租，出租率為百分之五十六，較五年前近八成的出租率大幅下跌，過去三年亦有四個商戶提早交還檔位。發言人強調，當局一直致力改善公眾街市環境及配套，又降低空置攤檔的競投底價，並逐步引入服務行業。租約亦規定，商戶於未經書面申請前，不得在一個月內停止或暫停經營攤檔七日或以上。
不過，記者實地了解期間，只見街市人流極少，大部分入內者僅前往洗手間，個別檔戶雖陳列貨物並擺放價錢牌，但卻無店主看守，不少存放於檔內的貨物則已鋪滿厚厚塵埃，真正營業者「十隻手指數得晒」，二樓數十檔戶中，更只有一檔營業。
東區區議會食物、環境及衞生委員會委員勞鍱珍表示，上述街市昔日曾經熱鬧，但隨着附近開設露天市集，加上區內人口老化，令人流大不如前，「要行樓梯先上到二樓，叫啲長者點撐上去？」勞又稱，曾向食環署提出改善建議，卻未獲明確答覆，「例如講過搞熟食中心帶動番人流，但食環署話暫時冇呢個打算，連短期租約都唔考慮，都唔知想點！」勞要求當局盡快提出改善方案，以善用資源，同時令街坊受惠。
熱線3600 9988
電郵 socserv@on.cc
傳真3600 9900
WhatsApp/SMS 6500 6500
來函請寄：香港大埔工業邨大昌街２３號東方報業中心東方報業集團投訴組收
個人資料絕對保密
匿名投訴恕不處理
逢星期一至五見刊
