城中鏡：盛品儒蔡一鳳義賣「名」籤濟貧童

由蔡一鳳創辦、佢男友盛品儒做主席嘅同芯慈善會，日前喺澳門搞咗個「畫出愛．創未來」嘅開幕禮，而尋日下晝仲為書籤創作作品義賣活動舉辦「名人加油站」活動。書籤展預期展出超過五十張作品，部分由名人簽名協助義賣籌款。

蔡一鳳與盛品儒（左一及二）赴澳門出席慈善活動。

同芯慈善會仲邀請咗香港著名漫畫家黃玉郎同邱福龍捐贈親筆書籤義賣，感謝兩位身體力行對國內小朋友嘅鼎力支持。部分義賣書籤更係由廣西大化嘅學童製作嘅。

善款用作書簿費

該會早前曾到訪廣西大化嘅學校，當地相對貧困，學生從屋企到學校需步行兩至三個小時，讀書環境較艱苦。而呢次義賣活動所得，將用作國內一百名有經濟困難嘅學童一年書簿費，以及該會未來嘅資助項目，讓社會各界體會施比受更有福的理念，亦藉住呢個平台為慈善事業出一分力，將愛同關懷帶到廣西。