SUN搞作：少膽虫手記：趁亂搵着數
「邊個收埋晒啲廁紙阻人方便，仲要搵卡板封住個廁所？即刻出嚟自首！」本虫九萬幾年未發過咁大脾氣，成層樓啲人口水都唔敢吞一啖，但見依舊冇人肯自首，本虫只好施計挑動人性嘅醜惡：「邊個搶先做金手指，唔罰不特止，仲重重有賞！」
話音剛落，肥豪、膠蘇同西門吹水已經擺出互相出賣嘅三角陣勢，X你個街，原來又係《爛果》三子搞事，不過本虫唔係傻嘅，一手揪住肥豪質問：「你三條粉腸，如果冇着數落袋又冇人主使，你哋夠膽咁做咩？即刻從實招來，到底收咗幾多錢！」
膠蘇膠膠吓咁話：「淫賤黎話唔可以同人講，係佢收買我哋攪亂檔o架！仲一早提醒我哋，如果畀人踢爆係佢出錢主使我哋，就要死撐係捐款！」西門吹水亦叻唔切：「係呀！淫賤黎仲話，即使阻住全世界方便，只要可以廁紙都慳番，趁亂搵着數，咁就very good喇！」真相大白，原來又係淫賤黎嘅縮數，唉，呢條賤肥佬，真係唔死都冇用！
