SUN搞作：打橫嚟講：前線「伙記」的鬱氣

這些輩分低的年輕人，做到一肚氣，那並非日夜加班無假放溝女，也不是在街頭當眾被罵，而係見佢哋啲阿頭那副奴才相，背棄入職初衷，伸張公義，現只博上位，就不管下邊班散仔如何未夠班、沒足夠訓練，都要佢哋喺全球鏡頭前出醜，畀人起底！男子漢？呸！

內部通天gossip，話「行動組」阿頭見board，再紮一級，將來「一哥」都有份做，故乜都唔再諗，只接order，乜都敢死，提早自我升格做國安城管！

家陣，全個大館人心向背，身心俱疲，喺咁嘅形勢下，不特只沒法收科，反而擔心事態惡化……

三子自首，律政司暗令不起訴，咪以為可淡化「自首潮」；依家，最怕有人組團，日日到差館，不是「投案」，而係「查詢」，問曾經行過彌敦道停過一陣，踎低縛鞋帶、或無聽阿Sir勸喻行上行人路、或叫過一兩句口號……咁算唔算「阻差辦公」或「未經批准集結」？

另外，佢哋更不知點算好的，係「鳩嗚團」遍地開花，合法的日夜遊街；加上，學民仔愈嚟愈多書友加盟絕食，佢哋難道真的要再向這些手無寸鐵的「一等良民」施以武力嗎？

其實，呢班年輕小伙記最慶的，係那些藍屍及其首領，因佢哋最不想香港太平盛世，若無事無幹，佢哋就無「維穩費」，變相失業，所以，佢哋先係「搞事先鋒」喎！吓！乜原來你哋都咁諗o架！

講開又講，佢哋亦好鬼憎禮義廉班保皇黨，尤其是藍屍上線嘅鼠乸，佢周時狗噏，火上加油，就係想撩慶市民升溫，好讓香港無日安寧，咁佢就更肥囉！

全港七百萬人疲於奔命，香港亂局無法解決，點算呢？

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府