SUN搞作:SUN官場現形記:死性不改
有組織發表廉潔指數,香港排名跌至八年新低。呢日貪曾貪湯就喺條街度互相指摘,究竟佢哋嘈緊啲乜嘢呢?
貪湯︰最衰都係你,貪晒啲鮑魚、肥雞同菜心!
貪曾︰仲好講,如果唔係你貪晒啲牛腩魚蛋……
貪湯︰咁你坐飛機同遊艇又點先?
貪曾︰哼,就係因為你嗜飲茅台……
(有市民途經,見雙貪爭吵不絕。)
市民︰咦,你哋終於良心發現,肯怒斥對方有幾貪婪。
貪曾︰梗係唔係喇,係因為啲嘢畀對方貪咗,自己貪唔到,所以先唔忿氣!
貪湯︰咪就係!
市民︰@##$$%%^^&&