深水埗：違規晾曬 路署唔清理
「其實都投訴過好多次，但仲係一年四季都有人擺衫擺嘢出嚟曬，完全冇改善過，每次去搭小巴我都覺得好礙眼。屋邨入面明明有房署整嘅晾衫架，但就偏偏冇人用。」富昌邨居民張先生指出，西村路迴旋處長期有人將衣物、棉被、果皮等亂放在欄杆和地上晾曬，曾多次投訴，但仍未見改善，要求政府部門正視問題。
路政署聲稱會清理晾曬衣物，惜違規情況並無改善迹象。
路政署發言人指出，進行道路保養巡查時，一旦發現有人在轄下道路欄杆晾曬衣物，會作勸止，如晾曬衣物無人認領，署方會進行清理，並將收集來的衣物暫存於容器中。在一段時間後，無人認領的衣物及容器會一同被移走。
發言人稱，曾派員實地查察該處，發現情況屬實，已跟相關部門進行聯合清理行動。
張先生要求路政署加緊巡視，避免市民再違規晾曬，「話就話會清其實都唔見有人嚟清過，又話要同其他部門一齊清，等等下又會冇咗件事。希望政府做嘢可以快少少啦。」
