城中鏡：群星「寵」愛留倩影
為提高大眾對動物權益嘅關注同鼓勵寵物領養，著名攝影藝術工作室Venture Studios同愛護動物協會（SPCA） 攜手合作，喺今個月十六至二十二日舉行「ADOPT LOVE名人慈善攝影展」。香港愛護動物協會會長傅明憲率領一眾名人明星，由專業嘅攝影師捕捉人寵間最愉快動人嘅時刻，以鏡頭呈現愛。
郭偉亮同老婆葉佩雯近年致力推廣動物權益同福利。
傅明憲同兩隻北京狗共度歡樂拍攝時光。
郭秀雲希望提高大眾對動物權益嘅關注。
傅明憲同兩隻調皮嘅北京狗Fifi同獅子頭，喺攝影室度過咗一個歡樂嘅拍攝時光。佢話：「領養寵物除了能讓你有個動物伴侶，牠們感恩的心，更能讓你每天都感受到愛與忠誠。」
名媛郭秀雲嘅爸爸係海洋公園嘅創辦人之一，所以佢嘅童年有好多時光都喺呢個充滿着愛心嘅大型主題公園度過，呢位喺海豚間成長嘅中德混血兒，與生俱來就同動物們有着無比嘅默契。而郭亦係著名嘅保育人士，一直希望提高大眾對動物權益的關注，並提倡領養寵物。
雖然著名唱作兼音樂人郭偉亮同老婆葉佩雯平日工作繁忙，但二人近年致力推廣動物權益同福利，三隻小狗亦幸福地更加入咗佢哋嘅大家庭。
