政壇：王忠秣盼議員助觀塘轉型
泛民主派喺立法會發起不合作運動，議員郁親就以「拉布」阻撓政府施政，令到唔少民生議案受到拖累。尋晚日本駐港總領事館喺金鐘一間酒店舉行日皇壽辰酒會，數百名嘉賓去捧場，包括信興集團副主席蒙德揚夫婦、「零食大王」戴德豐同仁濟醫院前主席Ben王忠秣等政商名人。
王忠秣（右）同仁濟醫院前主席蔡百泰（左）齊現身酒會。
大本營喺觀塘一帶的阿Ben話，最近忙緊推動「起動九龍東」工作，其中尤以單軌鐵路為重中之重。佢話政府將向立會財務委員會申請撥款一億元，以便展開單軌鐵路的可行性研究，希望議員飲水思源，快啲促成有關工程順利展開，事關香港有今日，觀塘幫咗唔少喎！
佢又話觀塘已經同深水埗一樣，成為本港人口最老化同貧窮嘅兩大區。想當年，觀塘係香港工業重鎮，對香港今日嘅經濟成就貢獻好大。如今隨着工業北移同大量公屋落成，區內人口老化同貧窮問題浮現，政府同立法會好應該幫觀塘打造一個全新面貌。當中交通便利係最重要的因素，將來單軌鐵路同沙中線等主要交通樞紐相連接，咁咪可以吸引有錢人搬入去囉！
