政壇：梁敬國力銷ReTAAS助雙贏
商務及經濟發展局推出總值五千萬元的「零售業人力需求管理科技應用支援計劃」（簡稱ReTAAS），為鼓勵零售業應用科技改善營運流程，以提升工作效率紓減人手壓力。商經局會同香港生產力促進局合作，協助同鼓勵業界應用資訊科技提升生產力，零售業若投入電子支付、以網上學習等嚟培訓員工，就可申請資助，每間企業最多獲資助兩個核准項目，而受資助項目須喺六個月內完成，申請採先到先得制。
梁敬國話計劃同時對零售與科技業有好處。
所有按照《商業登記條例》在港登記，並喺本港經營實質零售業務的非上市企業，均符合資格申請有關支援計劃。資助將按照對等原則提供，即政府最多資助申請項目總核准開支一半或最多五萬元，以較低者為準。商經局副局長梁敬國喺啟動禮上話，支援計劃同時為零售業同資訊科技行業帶來好處，既可幫助受資助零售業紓緩人手緊絀壓力，又可起示範作用，畀業內更多企業有信心使用科技，間接促進科技行業發展。
